Июн 04 |
Ёсць вельмі непаўторнае месца на Берасцейшчыне . Гэта -- Ружаны. Сюды цягнуцца думкамі многія мастакі, каб уявіць гісторыю слаўнага мястэчка, якое і сёння чаруе вока сваім старадаўным і сучасным жыццём.
Пасля аднаўлення Ружанскага Палаца ўзнікла магчымасць праводзіць тут разнастайныя творчыя выставы. Каб трапіць у выставовыя залы творцу не шкада часу і дарожных намаганняў. Вось і сёлета, напачатку чэрвеня, узнікла ідэя наведаць Ружаны з мастацкай выставай.
Сярод арганізатараў і ўдзельнікаў выставы – сябры творчага аб'яднання “Абуджэнне” Андрэй Лычкоўскі (г.Узда), Фёдар Ладуцька і Яўген Шунейка (Мінск). Разам з імі прымаюць удзел у творчых праектах – мастакі суполкі “Арт-Слонім” Васіль Грыневіч, Казімір Кулеш, Аляксандр і Тамара Сцяцэнкі. З суседняй Бярозы таксама далучаецца мастак Анатоль Маразюк.
Кожны з іх прапануе ў “Ружанскі вянок” сваю задуму, каляровае суквецце, шчыры настрой. Ім ёсць пра што распавесці ў мастацкіх творах жыхарам і гасцям Ружан. Усе іх творы пра мінулае і сучаснае роднага краю ў самых розных сродках творчага самавыказвання. А гэта – невычэрпная плынь для сучасных мастакоў, якія не спыняюцца на дасягнутым, імкнуцца быць адкрывальнікамі новага і запамінальнага. Адным словам – адбудзецца творчае свята, якое ўзбагаціць ружанскае культурнае жыццё, падорыць гледачам самыя жывыя і светлыя ўражанні.
Адкрыццё выставы – 8 чэрвеня а 16 гадзіне ў выставовай зале “Ружанскага палацавага комплексу роду Сапег”.
Магістр гістарычных навук Павел Апановіч
04.06.2018.Больше интересного - у нас в Telegram https://t.me/brestcity
Новости по теме: живопись, Ружаны
***
Подпишитесь на Новости Бреста в Google
Читайте БрестСИТИ в Яндекс.Новости
----------------------
Понравилась новость? Поделитесь с друзьями:
Наш канал в Viber и Telegram. Присоединяйтесь!
Есть о чем рассказать? Пишите в наш Telegram-бот. Это анонимно и быстро