Реклама в транспорте Прямая почтовая реклама Мебель Хостинг
Фев 10

Брэсцкія дарожнікі прыступілі да другой чаргі будаўніцтва Заходняга абходу.

Строительство Западного обхода

Брэсцкі віядук дазволіць аптымізаваць транспартныя плыні паміж левым і правым берагам Мухаўца

Пуцеправод даўжынёй 2,7 кіламетра і шырынёй каля трыццаці метраў павінен вырашыць транспартныя пытанні ў заходняй частцы абласнога цэнтра.

Грандыёзнасць праекта ўражвае: толькі на першым з трох этапаў у зямлю заб'юць каля тысячы паляў для 12 апор будучага пуцеправода. А што будзе далей? Карэспандэнт «Р» першай пабывала на месцы маштабнай будоўлі.

Месца, дзе пачынае расці пуцеправод, мясцовыя жыхары ведаюць добра. Калісьці тут размяшчаліся шматтонныя рэзервуары нафтабазы «Брэстаблнафта- прадукт». У 2008 годзе ў адзін з іх патрапіла шаравая маланка. Тады разгарэўся вялікі пажар — тушылі яго паўсотні адзінак спецтэхнікі і тры пажарныя цягнікі. Пасля здарэння гіганцкія рэзервуары з палівам перанеслі далей ад жылых кварталаў. І сёння на гэтай тэрыторыі ва ўсю моц працуюць будаўнікі.

Часовая пад'язная дарога, бытавы гарадок, перанос існуючых сетак за межы тэрыторыі забудовы. У першым, так званым падрыхтоўчым перыядзе будаўніцтва абыходу задзейнічаны каля 50 работнікаў ААТ «Будтрэст № 8» (філіялы СУ-32 і СУ-158), 10 спецыялістаў брэсцкага філіяла ААТ «Мостабуд». Тузін спецыялістаў з будаўніча-мантажнага цягніка-391.

Адна апора ўжо гатовая. Начальнік будоўлі Дзмітрый Ганчук распавядае:

— Яе падмурак — гэта 88 паль па 10 метраў даўжынёй кожная, далей ідуць 130 «кубоў» бетону, потым 3 маналітных калоны і маналітны рыгель. Паміж апорамі ўкладваюцца бэлькі па 33 метры.

Строительство Западного обхода

У перспектыве магістраль павінна злучыць аўтадарогі Р17 (Брэст — мяжа Украіны) і М1 (Брэст — Мінск — мяжа Расіі), а таксама міжнародныя аўтамабільныя памежныя пункты пропуску «Брэст — Тэрэспаль» і «Казловічы—Кукурыкі»

У сярэдзіне года з'явяцца бытоўкі ў раёне чыгуначнага пераезду паміж мікрараёнамі Рэчыца і Дуброўка, расказвае начальнік філіяла СУ-158 ААТ «Будаўнічы трэст № 8» Ігар Кулініч:

— Каб паскорыць працэс, мы плануем будаваць пуцеправод адначасова на некалькіх захватках. Будуць задзейнічаны каля тысячы спецыялістаў з усёй краіны.

Увогуле, ёсць праца і будаўнікам, і цэментным заводам. Як справядліва заўважыў Аляксандр Лукашэнка ў час нядаўняй «Вялікай размовы з Прэзідэнтам», новыя дарогі — гэта выдатная падтрымка цэментнай прамысловасці.

Строительство Западного обхода

Тое, што ў Брэсце прыменяць новыя падыходы да будаўніцтва — гэта ўжо відавочна, дзеліцца першы намеснік генеральнага дырэктара ААТ «Мостабуд» Сяргей Звоннік:

— Будаўніцтва другой чаргі Заходняга абыходу тыповае, аднак кальцавую развязку ў сярэдзіне пуцеправода мы ўпершыню ў краіне выканаем цалкам у маналіце.

Чакаецца, што пуцеправод узвядуць за два гады. Ён стане своеасаблівым падарункам гораду да 1000-гадовага юбілею, які Брэст адсвяткуе ў 2019 годзе.

Источник информации: Анна ПЕТРОЧЕНКО, фота Іллі ГАПАНЮКА — «Рэспублiка».

Теги:
Просмотров:
----------------------
Понравилась статья? Поделитесь с друзьями:

Интересные записи по теме:

Комментарии

Прикрепить изображение

4 комментария к “Брэсцкія дарожнікі прыступілі да другой чаргі будаўніцтва Заходняга абходу”

  1. Аноним :

    Thumb up 1 Thumb down 0

    Спасибо за статью на национальном языке, я всё понял...

  2. admin :

    Thumb up 1 Thumb down 0

    Посетитель, над. Подъем на путепровод будет начинаться уже от нефтебазы. Самый сложный этап — кольцо над речицкими переездами — но часть работ можно вести, не ограничивая движение транспортных средств.

    Недоверчивый, мне тоже. Но посмотрим и сравним затем с изначальным эскизом, который показали в горисполкоме)

  3. Посетитель :

    Thumb up 1 Thumb down 0

    Я не понял, развязка над переездами будет проходить или нет?

    Если нет — то ололо. Там и так затор, а перенаправленый поток...

    Если да — как ездить и как будет ходить общественный транспорт, когда там будет идти строительство?

  4. Недоверчивый :

    Thumb up 1 Thumb down 0

    За два года??? Верится с трудом...